عيوب الحب

---

عيوب الحب احد اسوأ عيوب الحب هو الحب ذات نفسه انا عارفااك مرحتش ليه دا هو بيجى من نفسه بيتسحب ويتسرسب ولا تسمع فيوم حسه ويتمكن وفيك يسكن ولا فى علاج ولا مسكن يخفف المه من جواك دا مغروز فيك ولا الاشواك ومتكعبل متاهه وشكلها مقفل حتهرب منه بردو اليه سكك ومنفده لعينيه لفين مطروح حيوصلك عن الدنيا خلاص فصلك وسكر بواباته عليك رضا او غصب حيخليك دا جوه صفحته حيطويك ويمحى من الوجود اسمك حيمسح شخبطه رسمك ويبدأهو تشكيلك خيوط ناعمه حيرميلك حتتكلبش وحتطنش وحبه تفك وتفرفش ومش حاسس ولادريان دى سكه شوق اخرها جنان دا طبع العشق ياانسان احد اسوأ عيوب الحب هو الحب فأساسه انا عارفاك بتتمناه ونفسك تبقى من ناسه اكم عشاق ومن قبلك فطيبتك او نقول هبلك راحو له زمان ولارجعوش وشو قهم ليه كان على فاشوش طريق الرحله كان مفروش قلوب نشفت من الحسره عشطهم نادى عالاشواق 200 مره بصوت مسموع وشربو السم م المنقوع بواقى دموع ملو جوفهم كتير منها لحد مبانلهم طينها غلابه فكروه حنه وصوتهم م الفرح غنى اخيرا راق لنا زمنا ليالى الفرح موشومه على ايدينا خطوط حنتها راح ترسم طريق لينا وطارت فالهوا كفوفهم كتير منا لمح طيفهم على نبع الهنا المغشوش ماهم نزلوه ولا طلعوش احد اسوأ عيوب الحب هو الحب ودا اصله ومين فينا ميتمناش ينخور سوسه فمفاصله دا داب فينا وفيه دوبنا معجزنا ومشيبنا وحط همومه فقلوبنا راحتنا وغاوى يتعبنا دا كائن فالاساس معيوب وله موسم ماهو مطلوب وليه مريدين يشقيهم يلوعهم وتسالهم يقولو عايزين عيوب الحب راح تخلص اقلام فيها حنكتب عنها ونخلد مآسيها ورغم ان احنا بنعانده وبابنا فوشه بنسده وبنكابر وبنصده بدايته لفرحنا نهايه ونرجعله ماهو الغايه واصل التوهه فالمشوار بنعطش ليه ونتمناه صغار وكبار