خذني بحضنك

( خذني بحضنك)
تعال وغير اطباعي وعلى الزلات حاسبني
وخليني ابتسم كلي واغرق بين امواجك
بدونك دنيتي صعبه طلبتك للوصل خذني
أنا مهما ضوى صبحي ابي ليل به سراجك
غيابك اتعب عيوني .. غيابك حيل علمني
بأن الدنيا لو ضاقت .. فرجها ساعة افراجك
دخيلك ارحم بحالي .. كفايه البعد عذبني
حبيبي لا تخليني .. تراني بجد محتاجك.

( خذني بحضنك)
لوكنت تدري وش يسوي بي غيابك
والله ماغبت ياأغلى الناس عن عيني
لو ان ماصابني من هالغلا صابك
أقسم بربي ثواني ماتخليني
لوتدري بلهفة عيوني على بابك
كان تعرف وش بلاي؟ ووش معنيني
تصدق اني إذا أبي أسولف أبدابك
وكل السوالف لدرب إسمك توديني
تصدق اني أموتك موت وأحيابك
تخيل أحياك وأحيابك وتنهيني
أغار من عطرك ومن لهفة ثيابك
ويغار قلبي من مصافحك ليديني
عاد لاصرت تدري وش يسوي بي غيابك
أنا دخيلك رجيتك لاتخليني

( خذني بحضنك)
خذني بحضنك أبغفي يااااه مبطي ماغفيت
وإن لمحت دموع عيني سونفسك مالمحت
خذني بحضنك وفتش في جروحي وإن قضيت
هزلي كتفي وقلي: عيب تبكي لوسمحت
ضمني يمك وضحكني أليامني بكيت
تكفى ودي أذكر كيف كانت ضحكتي لامني فرحت

( خذني بحضنك)
قد سمعتي في خيال العشق والا ماسمعتي.؟
اعشقيني اتحول لك بحر واضم دره
اعشقيني عشق مامر البشر والكون مثله
يشفي قلب الحزين ويمنع انواع المضره
اعشقيني لين أعطي الكون ياعمري مشاعر
لين اشوف الحب درب وكل من يعشق يمره
القمر والشمس والفرقا وأنا والحب وانتي
ما تشابهنا ولكن بيننا مثقال ذره..